2015: EBCC Mumbai saptuam kikhopna omtung in naupang lam etkolna ah Sunday School pichingtak ana kineipah keimahleh, huai hun apan in naupang lamte enkaitu ding in Catherine Vungremmawi leh Summinlun Vualnam te ana pang uhi. Hiai hun a hunzatdan leh naupang te etkoldan tangpite:

– Devotion hun ah Laa leh Bible chang zilna neizel uhi.

– Bible stories tuamtuamte pansan in class lazel uhi. Hiaidan pen kum 2015 sunga paidan tangpi in ana zang uhi.

2016 SUNG A HUNZAT DAN TANGPI TE :

1. Devotion :

Hiai hun ah Intermediate Pawl te apan Bible simna leh thumna a hun patna te neihzel hi a, lasak leh lazilna kinei hi. Pawl dang te apan Bible Verse ahihkeileh special item kigin bangbang hun piak hizel a, a neute Thohlawm dongtu dia seh leh zatzel ahi. Devotion hun in Heutute apan ahunbang zel in sharing tomlou chikchik kineizel hi.

2. Class :

EBC Headquarter apan a Sinlaibu te zang in Sunday school omteng in huaite zang in class/sinlai kila zel hi.

3. Outing 2016 :

Hiaihun in EBCC Mumbai saptuam sung a masapen ding in BCD te’n December 2016 in Manori Beach ah Outing nuamtak mai kipolhkhawmna kinei hi. Zingkal dak 8:30 am vel in Pastor Quarter, 22 Palm Villa, Kalina apan Pa Thangzamuan Hauzel in thumsakna toh hon khakhia in a munding kizuan chenchen hi. Hiaihun ah naupang Nu-leh-Pate ban ah heutute leh naupangte tel in bus dimkhat mahmah kihoh khawm a, amun ah kidemna tuamtuam leh kipolhlimna tuamtuam kinei hi. Tua hun ah naupangte leh Nu-leh-Pa te’n nekletak ding tuamtuam kipuak in kinekhawm zaizai mai hi. Hun nuamtak mai zat nung in nitaklam in Pastor M Thangkhenmung Guite in kipahthugenna toh thumna nei in amun ki nusia a, nuam le manpha tak a hun zat ahi.

4. Heutute fellowship leh meeting kinei zel hi :

Sunday School heutute hun bangzel in Sunday school kaitawp hun chiang in Fellowship leh thumkhawmna kinei zel hi. Pathian pina leh makaihna toh nuam leh manpha kisa thei mahmah hi.

5. BCD Day 2016 kizang hi :

Hiai hun programme poimoh tak hun a Day Programme leh bangkim BCD te’n kisai hi. Hiai hun a thugenpi in Adviser leh Pastor M Thangkhenmung Guite kizang a, naupangte apan special item tuamtuam – pawl chih, mimal/ unau leh group apan in om hi. Hiai hun ah BCD Heutute leh naupangte’n Praise and Worship leng kimakaih hi.

2016 SUNG A HEUTUTE PAWL KHENNA :–

– Beginner (Htn Niangmuanching & Htn DimkhanvungKhuptong)

– Primary (Htn Vungzakim Tunglut, Htp SumminlunVualnam & Htp Andy Jamkhanlian Tangpua)

– Intermediate (Htn Catherine Vungremmawi & Htp Liangousang Vualnam)

NAUPANG HEUTU TE :

2017 SUNG A HUNZAT DAN TANGPI :

1. Devotion :

Hiai hun ah Intermediate Pawl te apan Bible simna leh thumna a hun patna te neihzel hi a, lasak leh lazilna kinei hi. Pawl dang te apan Bible Verse ahihkeileh special item kigin bangbang hun piak hizel a, a neute Thohlawm dongtu dia seh leh zatzel ahi. Devotion hun in Heutute apan ahunbang zel in sharing tomlou chikchik kineizel hi. Khateng in saptuam a BCD Calender a khateng a thupi te zang in local a saptuam kemtu Upa neihte kichial zel a, amau te’n devotion hun in minutes 10/20 vel thugenna hong nei zel uhi.

2. Class :

EBC Headquarter, Dorcas Hall apan a Sinlaibu te zang in Sunday school omteng in huaite zang in class/sinlai kila zel hi.

3. Biakinn Hahna :

March 2017 in EBCC Mumbai Anniversary hun ma in BCD Heutute makaihna in Biakinn hahsiangna va kinei hi. Hiai hun ah local BYF te’n leng hong panpih ua, Biakinn siangthei tawp in va kihahsiang hi.

4. Heutu te Fellowship (kha nih sung a khatvei kinei zel hi):

Heutute kumbul apan a lemsakna bang in hiaikum in khanihsung a khatvei zel Heutute Fellowship, heutute inn ah a banban in kinei thei hi. Hiai hunte a nekletak kaikhawm, bawlkhawm leh nekhawm ban ah sharing leh thumkhawmna kinei zel hi. Hiai hunte ah Sunday school a class paidan leh review tuamtuam lungsim a omte kikumkhawm zel hi. Hiai bang fellowship nuam leh manpha kisa mahmah hi.

5. Outing 2017 :

Hiai kum in leng December, 2017 in Manori Beach ah outing kinei thei nawn a, naupang te leh Nu-leh-Pa te’n nuamtak in hun va ki zang hi.

6. Advent Christmas Outreach :

Hindustan Covenant Church member te omna, Ghatkopar ah heutute leh naupang te kithuah in, naupangte leh heutute’ van hon tawi khawmte piak khiakna va ki neih ban ah, ki khopna nuamtakmai in hun kizang hi.

7. BCD Day kizang :

Hiai hun programme poimoh tak hun a Day Programme leh bang kim BCD te’n kisai hi. Hiai hun a thugenpi in Adviser Pastor M Thangkhenmung Guite kizang a, naupangte apan special item tuamtuam – pawl chih, mimal/unau leh group apan om hi. Hiai hun ah BCD Heutute leh naupang te’n Praise and Worship leng ki makaih hi.

8. BCD Guitar Project :

Hiai kum in BCD in devotion hunte a Guitar poimoh mahmah sak ziakin Guitar project, TBSUC lemsakpihna in kinei hi. Hiai pen naupang leh heutute lak a “talent” kihawm in, hiai tungtawn in BCD Guitar ding ki-leikhia hi. A latna leng Pastor M Thangkhenmung Guite in BCD Day 2017 ni in neingal hi.

2017 SUNG A HEUTUTE PAWL KHENNA :–

– Beginner A (Htn Catherine Vungremmawi)

– Beginner B (Htn Muanching Hangshing, Htn Lunkim Hauzel & Htp. Ginkhansuan Naulak)

– Primary (Htn Dimkhanvung Khoptong & Htp Damsuanmang Khuptong)

– Intermediate (Htn Vungzakim Tunglut & Htp Liangousang Vualnam)

NAUPANG HEUTU TE :

2018 SUNG A HUNZAT DAN TANGPI :

1. Devotion :

Hiai hun ah Intermediate Pawl te apan Bible simna leh thumna a hun patna te neihzel hi a, lasak leh lazilna kinei hi. Pawl dang te apan Bible Verse ahihkeileh special item kigin bangbang hun piak hizel a, a neute Thohlawm dongtu dia seh leh zatzel ahi. Devotion hun in Heutute apan ahunbang zel in sharing tomlou chikchik kinei zel hi.

2. Class :

Headquarter apan a Sinlaibu te zang in Sunday school omteng in huaite zang in class/sinlai kila zel hi.

3. BCD Heutu Te Orientation :

Advisor makaihna in BCD Heutute’ Orientation January kha in Pastor Quarter ah kinei a, hiai hun ah 2018 sung a BCD sung a mohpuakna len dingte kitelna kinei hi. Huaiban ah Advisor apan hasotna manphatak leh thumsakna om hi. Huailou in, 2017 sung a Htp Damsuanmang Khuptong, Delhi lam hon paisan ding khakna leng kineingal hi.

4. BCD Day 2018 :

Tukum BCD Day programme kum dang bang in TBSUC in BCD khut a hon piak dungzui in programme kibawl a, day nuamtak leh manphatak in kizang hi. Thugenna BCD Htn Chingngaihlian Tunglut leh Htp Liangousang Vualnam te apan om a, nuam leh manpha mahmah kisa chiat hi. Tua ban ah, hiai hun in Local Pastor M Thangkhenmung Guite in BCD naupangte leh heutute ading in thumsakna nei hi. Naupang te apan in mimal/unau leh group in special item tuamtuam leh Bible Verse (chang) siam taktak te kingai khia hi.