EMBRACE April 2019
April 2019
Vol. II Issue No. 13
BYF Outing 2019 – Kashid Beach
FROM THE PASTOR'S DESK
Nithak hunthak hon pia I biak Pathian kiang ah kipahthu i gen masa hi. Tutung in Pathian aw (voice) bangchi theihtheih ding chih toh kisai saulou genkhawm leng kachi hi. Mi kuahiam in Pathian aw kaza achih chiang un, A aw ging mahmah za uh a hi diam? Ahihkeileh bangchi bang a Pathian aw za ahi ding uh. Ken Pathian aw kaza kachih chiang in ka lungtang ngaihtuahna ah hong kigen, hong kitheisak om hi. Tua pen akhenchiang in daipah lou a, seplouh leh genlouh theihlouh a phathei mawklou sek hi. I sepzuilouh chiang bang in kisiamtanlouhna a lian mahmah a kisikna in hon zuipah hi. Khenkhat lah Pathian aw bangbang a ngaihtuahna a hong dawk dawk om sek hi. Pathian apan ahih leh ahihlouh A Thu Siangthou (Bible) leh a mite apan Pathian in a aw taktak ahi chih hon thei chiangsak zel hi. Huanah, pilvan huai mahmah khat a kathei tuh Setan aw bangle Pathian aw bang sakkhak thei ahi.
Paunakte 14:12 Mihingte a dia lampi dik leh kilawm a om a, himahleh huai tawpna sihna lampite ahi.
Setan inle gingtute khemsek a, vansawltak bang in kibawlsek hi. Ahihleh Pathian aw leh Setan aw bangchi theihkhen ding? I lungtang ngaihtuahna a hong dawk teng bangle Pathian apan hikhollou ahi. Khovel lam a mite’n kihanthawnna a-a zatsek uh tuh na lungtang zui in chih ahi. Bible in bel lungtang khemhat ahi ana chi hi (Jeremia 17:9). I lungtang a om teng semkhia bang hitazenle kisikna ding tampi nei ding in kakigingta hi. Peter inle Pathian aw toh Setan aw ana theihkhenlouh ziak in Jesu in taihilh kha hi.
MATTHAI 16:16 Jesu’n nungzuite kiang ah kei kua kahi chi’n non thei ua chi a dotna a bawl in Simon Peter in, “Khrist Pathian Hing Tapa na hi” chi in a dawng hi. Jesu’n a kiang ah, “Simon, Bar Jonah, hampha chia; sa leh sisan in a hon theihsak na hi kei a, ka Pa van a om hon theihsak na hizaw hi.* Huai nungzek in Jesu’n a thuakna ding leh a sihna ding thu a gen tak in Peter in hitheilou ding ahih dan a gen a Jesu bang a taihilh zaw mah hi. Huaitak in Jesu’n Peter kiang ah Setan ka nung ah pai in, na ngaihtuahna Pathian apan ahi kei chihsan hi. Peter in ama a Pathian apan theihsakna hong pai pen toh kibang sakha in Setan apan theihsakna azak pen a genkhiak leh Setan chih loh kha giap hi. Peter bang a mi tamtak in Pathian aw kaza chi in a genkhiakte uh Pathian lemgel dan A thu toh kituak hetlou pawl om hi. Pathian in a sawlna leh asepsak achihte uh gintakhuailou, leh haihuaipipi tamtak om hi.
1 Johan 4:1 Deihtakte aw, kha napeuh gingta kei un, himahleh khate Pathian a kipan ahi uhiam hilou chih chian (test) un.
A dik leh a diklou chetna ding in hiaite zang leng kachi hi.
1. Bible thu toh kituak hia? Pathian aw i zaak pen Bible thu toh a kikalh ngeingei leh i aw zak pen Pathian apan hilou chihna ahi. Pathian kilakna bukim tuh Bible ahi chih mangngilh kei ni. Bible na sim tam leh Pathian aw za mun ding chihna ahi. Pu D.P Haokip in Pathian in kei aw a zakzak sang in ken Pathian aw kaza mun ut zaw chi in Bible niteng in Bung 20 sim gige hi. Na Bible a kikhuup sung zaw Pathian aw na zak nading gamla mahmah ding hi.
2. Khalam a Khrist’ batpih a na khanna ding ahi hia? Ahihkeileh angmasialna, mahni hamphatna ding tupna(selfish ambition) kia, midangte lamtouhna ding omlou ahi hia? Ahihkeileh mimal hiam pawlpi hiam tungah hehna, khaatna leh thangpaihna ziak a honpi ahi zaw hia? Hiaite philna dia Setan aw bang Pathian aw sakkhak theih ahi.
3.Pathian in hon bawl dan leh talent hon piak nalam ahi hia? Pathian in mihingte hihtheihna tuam tuam toh tup neitak a hon bawl ihi *(Eph.2:10; Rom.12:6)*. I hihtheih leh septheih louh nalam ah zaw hon sawl mawk lou ahi. Huaiziak in na aw zak pen Pathian in hon bawlna dan toh a kituah kei leh aw dang hi ding ahi.
4. Pathian aw i zak pen in ei hon kiphawksak (Convicting) ahih ding (Romte 8:1). Setan in ahihleh hon mohpaih (condemned) gige hi.
5. Pathian aw in A khamuanna(God’s peace) hon neisak hia? Tua bang khamuanna a om kei leh Pathian apan hilou ding ahi (Phil.4:7).
Simtute tengteng Pathian aw zathei chiat ding in Toupan a hun hun in hon panpih hen.
DEPARTMENTAL UPDATE
1/ March 21, 2019 in BYF Outing nuam leh manphatak mai Kashid Breach, Alibaugh a tuailai mi 42 vel kipai hi. Hiai hun ah games tuamtuam kimawl na om ban ah laa a kithuah khawmna nuamtak mai kinei thei a, Pathian kiang a kipah thu igen ahi. Hiai hun mah in unaunu Mercy Kimmalsawm in akhepi hih liam kha a, thumna te a phok tou ni.
2/ BYF Envelope tuailai kum 45 nuailam te adi kibawl pen mi tamtak te’n non piak zel ziak un kipahthu igen hi. Ana pe kha nailou te’n leng biakinn kikhop hunte ah chiklai peuh a piak theih gige ding ahi chih iki za sak hi.
3/ 25th March in BYF makaih in Monday Worship Service kinei a, hiai hun ah phatna lasakna leh sharing te in hun kizang hi. Hiai bang hun hoih leh manpha hon pia Pathian min iphat ahi.
PRAYER CELL UPDATE
Antop Hill prayer cell in 02/03/2019, nitaklam 6:00 pm in Pa (Dr.) Mung te inn ah Pa Dinglian conduct na in fellowship nuamtak leh manpha tak ana ki nei a, hiai hun ah Pa Chinmang makaihna in sharing om hi.
Pathian in lem hon sakpih ngei lamen in Antop Hill fellowship nawn di’ng program tarik 23/04/2019 nitaklam dak 4.30 in Pa Chalmawi te inn ah neih ding in lemgel ahi.
Prayer fellowship te, aman thei teng paikhawm in damtakin ka sunzom thei zel uhi. Tu khasung in bible study Paunakte bung 6-9 ki nei hi. EBCC Mumbai Anniversary kum 4 ching ni in Kalina Prayer Cell te’n special item Bible action ka present uhi. Pathian in hiai hun te hon muh sak baan ah tunitan lamzang takin hon pi touh zel ziak in a kiang ah kipahthu ka gen uhi.
March kha Navi Mumbai prayer fellowship dated 23.03.2019 ni a Pa Aakash residence AH-3/56, kendriya vihar, sector 11, Kharghar a neih ahi. Hiai hun in tampi kipai khawm thei a, phatkhawmna hun nuamtak leh Nasepte Bung 16 na sung sut khawmna kinei a, atel khaten nuam kisa mahmah hi. Maban ah leng, Toupan hunpha honpiak lamen in, fellowship neihtouh zel ding a lunggulh ahi.
EMBRACE BIBLE QUIZ - 011
Portion: Nambars 13-18
Q1. Toupa’n Mosi kiang a sabbath bohsiat ziak in bangthu a pia a?
Q2. Toupa’n a pina ding gam a tung chiang ua, huai gam a piangkhia tanghou a nek chiang un bang chihbang hih ding in thu a pia a?
Q3. Toupa’n Mosi kiang ah Kanaan gam enkhe ding in kuate na sawl di’ng achi a?
Q4. Toupa’n kum 40 sung gamdai ah na vaakvai ding uh chi a agen, kum 40 achih in bang etsakna nei ahia?
Q5. Bangziak a siampu nna sem dia Leivi’ suante tel a om ahia?
APRIL KHA BIAKNA HUNZEEK
Date 07, NIPI SKUL BIAKNA
Pitu – Tv. Tawnsuanlal Valte
Patna thumna – Nu Lalhlupui Hangzo
Phatkhawmna – Worship Team
Testimony Sharing – if any
Thupuanna – Local Secretary & others
Thohlawm lantu – Upa Capt(IN)Lalsuonglien Tonsing
Pastoral Prayer – Local Pastor
Sinsaktu – Local Pastor
Phatkhawmna – Worship Team
Vualzawlna – Thugentu
Date 14, PALM SUNDAY BIAKNA HUNZEEK
Pitu – Pa Lam David Shingto
Patna thumna – Nu Mamboih
Responsive Reading – Nu Paulmuanching
Phatkhawmna – Worship team
Testimony sharing – if any
Thupuanna – Local Secretary & others
Thohlom Lantu: Local Pastor
Special no – BCD
Thugenna – Upa Capt(IN) Lalsuonglien Tonsing
Phatkhawmna – Worship Team
Vualzawlna – Toupa’ Thumna
Date 28, | NIPI SKUL BIAKNA
Pitu – Tv. Thangmuanlal Guite
Patna thumna – Nu Biakhoih
Phatkhawmna – Worship team
Testimony sharing – if any
Thupuanna – Local Secretary & others
Thohlom Lantu: Upa T. Roumuanr
Sinsaktu – Local Pastor
Phatkhawmna – Worship Team
Vualzawlna – Thugentu
~ Birthday List ~
1 – Ningzaniang
3 – Lydia Ngaihhau
6 – Nunmawi
6 – Lunching
7 – Thanglianlal Ngaihte
3 – Lydia Ngaihhau
6 – Nunmawi
6 – Lunching
7 – Thanglianlal Ngaihte
9 – Lalhmangaih Hauzel
10 – Khawlmuankim
11 – Nora Kimlalrem
12 – Manjemhoih
12 – Paozagin Leivang
13 – Biakching Tunglut
13 – Chalmawi
13 – Muankim Guite
13 – Muankim Guite
15 – Lynda Manthiannem
17 – M. Thangvumsang Guite
19 – Lianremkim
23 – Ngaihthang Tunglut
26 – KamJohnson Hangzo
26 – Fiona Guite
17 – M. Thangvumsang Guite
19 – Lianremkim
23 – Ngaihthang Tunglut
26 – KamJohnson Hangzo
26 – Fiona Guite
~ Happy Wedding Anniversary ~
09 – Ngaihthang Tunglut & Biakching
19 – Chalmawi & Kimlunniang
23 – Ginsuanmung Hangzo & Chingmuankim
Newsletter Saipawl: Pastor M.Thangkhenmung Guite, Lam David Shingto, Manthiannem Naulak, M. Thangvumsang Guite, Kamkhanmung L. Ngaihte, Lalhmangaih Hauzel leh Ginom Hangshing
Saptuam Office/ Pastor’s Quarter: Flat No. 4, Golden Baby CHS, 3rd Floor, Road No.2, Sundar Nagar, Kalina, Santa Cruz (East), Mumbai – 400098