February 2019
Vol. I Issue No. 11

BCD, EBCC Mumbai Outing, Place: Manori Beach, 26 January, 2019

PASTOR'S DESK

Pathian pomtak biakna | Pathian Phatna leh Pahtawina ah Pathian Thilhihtheihna:
Kha thak hun thak hon musak i biak Pathian kiangah kipahthu i gen masa hi. Tutung in i thupi toh kizawitawn in Pathian phatna leh pahtawina ah Pathian thilhihtheihna akimuh dan saulou in enkhawm leng kachi hi.
Innkuan khat om a, a pa un zu dawn den hi. Huaiziak in innsung ah kipahna leh nuihna a tawm mahmah hi. A pa un zu a ngawl theih na’ng  in a zi leh atate’n Pathian buan den uhi. Ahihhang in a thum mun deuhdeuh chiang un apa engtat deuhdeuh mah a bang hial hi. A lohngaihna thei zou nonlou in thum leng a thum nawn kei uhi. A hoih lam sang in siatlam nawt deuhdeuh ua, innsung ah kinak, leh kivuak chihte om mun mahmah hi. Nikhat Pastor in vaveh a abuaina uh leh vuina ua pan in Pathian mai a vui thei vual ihihlouh dan leh  itna Pathian (I Johan 4:8) ahihdan va genpih hi. Hiai innkuante mah bang in Pathian hoihna tampi i donglai un, Pathian kiang a vuina ding leh khasiatna ding mu den te kihi khasek hi. Ka thum non kei ding Pathian in leng kathumna hon dawngsak kei ch’n ikikhin pahpah uhi. I thum dan bang uhle etthak tuak om mahmah ding hi. A thum thum a a ngen ngen te bang le a thuakhak a pang pen hih khak theih hi.
Pastor in hiai innkuante kianga agen khat ahihleh Pathian kiang a kipahthu gen a Amah phatna leh pahtawina a thumna hun zat ding chih ahi. Paul in Kolosa Saptuam te kiangah Pathian tung ale kipahna dan thei un (Kol. 3:15) achih bang in. Pastor in a gen bang in a thumna uh hon khek ua kipahthu genna ngen in hon zangtou uhi. Hun sawtlou in Pathian thilhihtheihna in a pa lawng a a zu dawn hon ngawl vengveng thei hi. Apa uh kia hilou in amau omdan natan hong kikhek hi. Hiai innkuan in Pathian kiang a vui na ding zong den in Pathian tawpsan (give-up) le uh a pa leng zusal apan suaktalou ding hi. Bang teng hong tung zong leh nang kon muang veve hi. Honpi na mun katheihlouh hang in honpipa ken kathei hi. chihtheihna leh gintaakna tuh ipoimoh ahi. Hun haksa hun a Toupa phat leh pahtawi ding baih hi hetlou ding hi. Israelte Babylon sal a-a omlai un, bangch’n khualgam ah Pathian la kasa thei di ua achih mah bang in bangch’n hiai ka om dan leh ka dinmunpi uh toh Pathian ka phat thei ding ua chih khak baihlam mahmah hi.
Exodus 14:11-15   Israelte Aigupta sal apan pikhiak a om nung ninih le pha nailou in bangziak a gamdai a si dia pikhiak a om kahi ua ch’n phun ngal uhi. Exodus 15:22-25; 16:1-3 Kalkhat le hinailou in tui dawn ding omlouh ziak in phun ua, ann(manna) ziak bang inle phun toutou uhi. Exodus 16:8 Amah tung a na phunnate uh Toupa’n a zata ngal a. Israelite phun hat ziak in Pathian suheh uhi. Pathian tung a kipahna ding zongle uh tampi muding ahihlai un a haksatna leh buainate un amuh ding daalsak hi.  Amah phat leh pahtawi theih na in thilteng tung a Pathian thuneihna leh i hinkhua a dinga i thiltuah apan a tup (plan) om pom/accept leh approve na ahi. Pathian deihlam bang hihiam ichihleh- 1 Thess. 5:16-18 ah Nuam gige un; Tawplou in thum un; Bangkim ah kipahthu gen gige un; huai tuh noumau lam a Khrist Jesu ah Pathian deihlam ahi.
2 Kron. 20 Kumpi Jehosaphat leh Judate’n  melma lianpi maituah ding a om lai un Pathian phatna leh pahtawina pe ding team te galphual ah kimakaihsak in tumging toh la toh Pathian phat ziahziah uhi. Melmate ading in bel lamdang leh haihuaipi bang hi. Pathian phatna leh pahtawina ah Pathian thilhihtheihna luang khia in a melmate uh zohthal in om uhi. Pathian ma ah khuk din a thum mi leh namte melma mai ah ding tang zou uhi.
Sam37:4 Tangtawn Toupa ah nuam/kipak lechin, ama’n na lungtang’ lunggulhte hon peding hi.

DEPARTMENTAL UPDATE

TBYF

BYF YEAR PLAN 2019

1. Equipping Pastor: Khalam a hon enkoltu leh hon makaihtu Local Pastor feltak leh muanhuai tak ineih hampha kisa mahmah hi. Hiai toh kiton in, zil beh ding leh theibeh ding om toutou hi. Hiai toh kisai Pastor in a lunglut na course/ training/ programme a lunglut te BYF in sum le pai  poimoh bang a support ding hoih sak ahi. Amah tel ut na zahzah leh lunglut na zahzah te ah Tuailai BYF in enkai tou vek ding a hoih sak leh lemgel ahi tukum sung a ding in.

2. Equipping TBYF Committee Members for Personal EvangelismI biak Pa Pathian in thupiak gol (The Great Commandment) hon piak mimal chih in I sepsuah poimoh hi. I Local Saptuam leh kiimvel ah TBYF in hiai toh kisai in bangchi sep di chih a kingaihtuah hi. Midangte kiang a tangthupha genna di’n, ei/kei mahmah toh Pathian kikal a fel hia chih kivel leh kitheihchiah poimoh masapen achi chih kon theikhe thakthak uhi. Huaiziak in tukum sung hiai nna sepna dia kisakkholhna, khalam a kithopna, kisukna leh kisinsakna a zat tam hoih kasa uhi.Tuailai heutu sung mahmah aleng chitlouh na tampi om hi. Khalam toh kisai a discipleship, apologetics, basic counselling skills, etc. ban ah midang toh interact didan, relationship/ rapport bawl didan le adangdang poimoh lua ahihdan kithei deuhdeuh hi. Hiai toh kisai kisinsakna te tukum 2019 sung a neihtouh kisawm hi. Hiai toh kisai details leh bangkim Chairman Lalhmangaih Hauzel, Local Pastor leh  Nu. Chingngaihlian te khut a kikoih hi. Tukum sung amau hiai toh kisai hon makaih ding a lemgel ahi.

3. Monday Worship ServiceLocal Saptuam in khateng a Monday Worship Service neihzel pen hoih leh phatuam mahmah ahihdan kithei hi. Hiai toh kisai in BYF in leng pan nakzaw sem a lak kilunggulh hi. Hiai toh kiton in BYF in “March, June, September leh December kha sung BYF te pina/makaihna a hun zat ding lemsak ahi. Hiai hun te programme bawl leh bangkim BYF khut a koih ding a lemsak ahi.” Huai lou in “kha teng a ahithei tan a Tuailai committee-te a tamthei lamlam in va uap zel ding a hoihsak leh lemgel ahi.  Hiai hunte ah midang leng tonpih zel ding a panlak ding chih ahi.

4. Missionary Field Veh A Kalsuan DingMissionary te nasepna amun mahmah a kalsuan a, hun va zat lunggulh huai kisa hi. Hiai toh kisai in TBMC (Missions Department) toh pangkhawm a sepsuah dia hoihsak ahi. I kiim nai a om Maharashtra Village Ministry (MVM) toh kithuzak a veh sawm leng kichi hi. Hiai toh kisai hon enkai leh enzui ding in Vice Chairman Pauthiansiam Tombing leh Local Pastor muang tak in kisep hi. Huai ban, kumlui a hihbang a EBC Mission Field a semte panpihtuak te panpihna piak nawn ding thupuk ahi.

5. Zodawn Project Zodawn Project tukum sung a naupang panpih ngaite panpih nawn hoih kisa hi. Hiai toh kisai sum-le-pai dinmun en a kumtawp lam a sepsuah ding a lemgel ahi. GBC naupang panpih na pen TBYF min a sut zop louh phot ding hoih kisa hi.

6. BYF Day 2019BYF Day 2019 ni nih zat ding a lemsak ahi. Kiginni pen Seminar a zat ding leh Pathianni pen Praise and Worship ban ah short sharing a zat ding a lemgel ahi.

7. BYF Envelope Khateng a Local Spatuam sung a tuailai kum 18-45 kikal te’n a kiphal bangbang ua ahon piakkhawm zel uh BYF Envelope pen sut zop hoih kisa hi. Kum lui 2018 a te lakkhiak a, kumthak January-Dec 2019 a ding athak bawl ding a lemgel ahi.

8. Dansiangthou a Kitenna nei te kipahpihna thilpiakTukum sung a Local Saptuam a ki register, tuailai dan siangthou a koppih neite kipahpihna TBYF min a thilpiak piak sek pen sutzop touh hoih kisa hi. Kop khat adia atampen a ₹1000 value mah hoih kisa.

9. Tuailai members sihna manna tuak leh BYF Committee Members’ nu-le-pa, sanggam te sihna manna tuak te galna ding toh kisaiBYF in Local Saptuam sung a tuailai full communicant member sihna-manna tuak a omleh PAITE Puandum a luang khuh ding chih ahi.  Huai ban ah, BYF Committee Member a nu-le-pa ahihkeh a sanggam in sihna-manna tuak a omleh BYF in avan a galna (siatbat) piak hoih kisa hi. Hiai ding in sum value ₹500 kikoih ahi.

TBCD

BCD:
Tukum a Naupang Sunday school heutu ding a TBSUC in muang mahmah in ahon guan ua, January 20 ni in Biakinn ah commissioning kinei ngal a. Huai banah, January 27 ni in Biakna kikhop tawp in a nuai abang in BCD Office bearers for 2019 kiform na (secret ballots in) om ahi.
 
1. Superintendent: Tv. David Damthankhum
2. Secretary: Lia Chingsanghoih
3. Finance Secretary: Nu Paulmuanching
4. Members: Tg. T.Nangsonmuan, Tv. Andy Paubiaklun, Nu Chingngaihlian Tunglut,  Nu Vunglamching.
 
Hiai a nuai ate mohpuakna kiguang thoh hi.
1. Music Secretary: Tg. Andy Paubiaklun
2. Counsellor: Nu Chingngaihlian Tunglut
 
BCD Outing to kisai: 
BCD in Saptuam mipi tel theih na di’n Outing ki sai na ah, kuapeuhmah in poimoh ngai in ahong tel ziak un, amasapen in, hong tel te teng kiang ah kipahthu ka hon gen uh ahi. Huai ban a, tha leh zung seng leh contribution tuamtuam hon piate kiangah kipak lua kahi uh chih kahon gen ut uhi. 
 
Pastor Quarter apan in Bus a ki kuan khia ahi. Hiai hun ah naupangte, tuailaite leh nupi- papi te a ding kimawlna tuamtuam sai in om ahi. 
Ani: 26th January
Amun: Manori Beach
Time: 9 am to 4 pm
Kipak lua ung, Toupa’n hon makaih tawntung hen.

PRAYER CELL UPDATE

ANTOP HILL PRAYER CELL:

Antop Hill prayer cell in 25/01/2019, nitak dak 8:00 in Pa Houmang te inn ah Pa Chinmang conduct na in fellowship nuamtak leh manpha tak ana ki nei a, hiai hun in Pa D.S. Mang Khuptong pension kipahpihna hun toh kizang khawm hi.

Pathian in a hon lemsakpih ngei lamen in Antop Hill fellowship nawn di’ng program tarik 09/02/2019 nitak dak 4.30 in Pa Chinmang te inn ah neih ding in lemgel ahi.

KALINA PRAYER CELL:

A masa in, Pathian in hon ompihna, hon kithuahpih na ziak in Amah kiah kipahthu kagen uhi.
5th January in Kalina prayer fellowship Pastor quarter ah ana kinei hi. Hiaini a hun patna NuLun in a hon nei a, open sharing leh thumkhawmna in hun kizang hi. A kalnawn apan in Bible study Paunakte 1 in kana pan ua, bung 2 tan ka zouta uhi.
FEBRUARY KHA BIAKNA HUNZEEK
03, NIPI SKUL BIAKNA
Pitu: Tv. S. Thanghausiam
Patna thumna –Nk. Muankim Guite
Phatkhawmna –Worship Team Makaih In
Testimony Sharing: if any
Thupuanna:Local Secretary & others
Thohlawm lantu: Upa T.Roumuan
Tangvom Genna:
Pastoral Prayer & Sinsaktu- Local Pastor
Phatkhawmna: Worship Team Makaih In
Vualzawlna: Sinsaktu
10, NIPI SKUL BIAKNA
Pitu: Tv. Lianzamang 
Patna thumna –  Nk. Hoihngaihniang
Phatkhawmna – Worship team
Testimony Sharing: if any
Thupuanna: Local Secretary & others
Thohlom Lantu: Upa T. Roumuan
Sehtuam lasa: Tv. Thiansiam
Tangvom Genna:
Sinsaktu: Local Pastor
Phatkhawmna: WT
Vualzawlna – Local Pastor 
17, NIPI SKUL BIAKNA
Pitu: Tv. N. Ginkhansuan
Patna thumna: Nk. Nunmawi Tonsing
Phatkhawmna: Worship team
Testimony Sharing: if any
Thupuanna: Local Secretary & others
Thohlom lantu: Upa Capt (IN)Lalsuonglien Tonsing
Sehtuam lasa: Nk. Mary
Tangvom Genna:
Sinsaktu : Local Pastor
Phatkhawmna: WT
Vualzawlna: Sinsaktu
24, SINGSPIRATION PROGRAM
Pitu: Tv. V. Liangousang
Patna thumna: Nk. Sangkim T
Phatkhawmna: Worship team
Testimony Sharing:  if any
Thupuanna: Local Secretary & others
Thohlom lantu: Upa Capt (IN)Lalsuonglien Tonsing
Sehtuam lasa: BCD inter-pawl
Sehtuam lasa: Nk. Phaneihsang
Sehtuam lasa: Tv. Lalhmangaih
Short Sharing: Upa T.Roumuan
Sehtuam lasa: Nk. Kimte
Sehtuam lasa: Nk.Lawmkim
Phatkhawmna: WT
Hun khak: Toupa sinsak thumna

~ Birthday List ~

03 – S.Thanghausiam
04 – Simpson Goukhenkham 
08 – Grace Ningthianmuang 
13 – Vungbiakching 
14 – Lianlunkim Thomte 
20 – Andy Paubiaklun
21 – Mary Kimbiakhoih 
22 – Janice Tonsing 
22 – Tawnsuanlal Valte 
27 – Kim Tonsing 
28 – Lalhlupui Hangzo 

~ Happy Wedding Anniversary ~

10 – Kamjohnson Hangzo & Lalhlupui Hangzo

EMBRACE BIBLE QUIZ - 009

[Portion: Nambars 1-6]
Q1. Bung 6 na a Nazarit hihna kichi bang genna ahia?
Q2. Toupa’n Israel suante giahna mun apan pawtkhiak sakvek ding achih te bang chi bang te ahi ua?
Q3. Toupa’n Mosi leh Aron kiang ah misim didan bang chi’n a gen a?
Q4. Juda nam sung a innkuan a lu pen ding in kua a sep ua?
Q5. Siampu nna semding a sehtuam Aron tapate min gelh in.

QUIZ TOH KISAI THEIHTUAKTE:
1. Embrace Newsletter a suah teng in Bible Quiz leng a om zel ding.
2. Quiz portion di Quiz saitu te’n hoih a saksak uh a hon taklang tawm zel ding uh.
3. A dawng dik tampen mi 5 tan kipahman piak ahi zel ding. A dawng dik mi 5 sang a tam zaw a om leh lottery system zat ahi ding.
4. Na Quiz dawnna ahih leh Biakinn mun leh WhatsApp tungtawn inle a piak theih ding.
5. Na dawnna pen Kha teng a last Sunday tan a piak kim teitei ding ahi.
6. Bible zat ding ahih leh BSI Latest edition ding ahi.
Theih beh nuam neite leh Quiz dawnna submit nuam te’n

Contact- Lynda Nenem(7506150318) Kamung Ngaihte(8974956514) Thangvumsang Guite(8433634599)

WINNERS, BIBLE QUIZ – 008

1. Nu Kamching, Panvel- 4/5
2. Nu Nunmawi, Powai- 3/5
3. Miss Mary, Nerul- 2/5
Newsletter Saipawl: Pastor M.Thangkhenmung Guite, Lam David Shingto, Manthiannem Naulak, M. Thangvumsang Guite, Kamkhanmung L. Ngaihte, Lalhmangaih Hauzel leh Ginom Hangshing

Saptuam Office/ Pastor’s Quarter: Flat No. 4, Golden Baby CHS, 3rd Floor, Road No.2, Sundar Nagar, Kalina, Santa Cruz (East), Mumbai – 400098