19Ahihkeileh bangchi thu a dan om ahia leh? Chisuan, thuchiamna a hongom masiah tatleknate ziak in behlap in a om a, angelte zang a palai khut a hihkip ahi.
20Huan palai himhim mi khat lak ah palai ahi ngeikei hi; Pathian bel khat ahi.
Dan In a Tup
21Ahihkeileh dan in Pathian thuchiam te a kalh hia? Kalh lou hial, dan mi hihhing thei himhim piak a omkhin hitaleh, diktatna dan ziak in a om ngei ding hi.
22Himahleh Jesu Khrist gin ziak a thilchiam a gingtate kiang a piak a hihtheihna ding in Laisiangthou in khelhna nuai ah bangkim a khakkhum vekta hi.
23Himahleh ginna a hong tunma in ginna hong kilangding ah khakkhum in dan nuai a ven i na hi uhi.
24Huchi in ginna ziak a siam i tan theihna ding in dan Khrist kiang a honchilpa ahi.
25Himahleh ginna a hongtun in, honchilpa nuai ah i omta kei uhi.
6“Abraham in Pathian a gingta a, huai ginna diktatna a simsak a hihtak mah bang in.”
7Huchi in thei un, ginna a omte Abram tate ahi uhi.
8Huan Laisiangthou in, “Pathian in ginna ziak in Jentelte siamtang sak ding in a kisa chih theikhol in, nangmah ah namte vualzawlsak in a om ding uh” chi in, Abraham kiang ah Tanchinhoih a na genkholta hi.
9Huchi in ginna a omte a ginompa Abraham toh vualzawl sak in a omsam nak uhi.
Dan leh Ginna
1Nou Galatia mihaite aw, kuan hon bumhai a maizen a? Na mitmuh ngei ua Jesu Khrist kilhden a kichiantak a latsak a hihhih toh.
2Hiai leltak k’on dong ding: Dan thilhihte ziak in hia Kha na muh uh, na ngaihkhiak ua na gintak ziak un?
3Hichitelin na hai umaw? Kha a pankhin ngal in, sa in na zou ding ua hia?
4Thil huchizah zah a thawn a thuak na hi umaw? A thawn hi taktak hita leh.
5Na kiang ua Kha hon pepa leh na lak ua thillamdang hihpan dan thilhihte ziak in hia a hih, na ngaihkhiak ua na gintak ziak un?
Ginna Ziak a Diktansak
15Ei zaw Jentel mikhialte hilou in, Judami him a piang i hi uhi.
16Himahleh dan thilhihte ziak in mi siamtang in a omkei hi, Jesu Khrist gin ziak kia in siamtang in omzaw uh chih i thei uhi; enleng dan thilhih ziak hilou in, Khrist ginna ziak a siamtang a i om theihna ding in, Khrist Jesu i gingta hi; dan thilhihte ziak in mihing himhim siamtang a omlou ding uh ahi.
17Ahihleh Khrist a siamtang a om tum kawmpi a eite mikhialte i na hih nak leh Khrist khelhna omsakpa hita ve maw le! Hilou hial.
18Ka thil hihsiatte ka lamnawn zel in zaw, talekpa ka hi chih ka kitheisak phet ahi ding hi.
19Pathian lam adia ka hong hin theihna ding in, kei zaw dan ziak in dan lam ah ka si khinta hi.
20Khrist toh kilhden in ka omta; himahleh ka hing ahi; keimah pen ka hita kei a, Khrist keimah ah a hing ahizaw; tua sa a ka hin bel ginna a hing ka hi; Pathian Tapa, hon it a ka sik a kipepa pen ginna ah.
21Pathian hehpihna bangmahlou in ka bawl kei, dan ziak a diktatna a om in zaw Khrist a thawn a si ahi ding hi.
Paul In Peter Taihilh
11Huan Peter tuh Antiok khua a a hongpai lai in demhuai mahmah a a om ziak in a maitang ngei ah ka kalh hi.
12Mi kuate hiam Jakob kiang a kipan a a hongpai ma un aman Jentelte kiang ah an a ne zel hi; himahleh a hong tuntak un zeksumte a kihtak ziak in pang nawnlou in a ki koihtuamta hi.
13Juda dangte leng a lepchiah chiat sam ua, huchi in Barnaba hilhial leng a lepchiahna ua pimang in a om zou hial hi.
14Tanchinhoih thutak bang in a omkei uh chih ka theih in avek ua ma ah Peter kiang ah, “Nang Judami na hi ngal a, Judate om bang a omlou in Jentelte om bang a na om zawk leh bangchidan ahia Jentelte Judate om bang a na omsak teitei nak?“ ka chi hi.